Памер шрыфту

A- A+

Iнтэрвал памiж лiтарамі

Стандартны Павялічаны Вялікі

Каляровая схема

A A A A

Выявы

Выкл Колер ч/б

Дадаткова

Закрыть

👁Версія для людзей са слабым зрокам

👁Звычайная версія

⚙Настройкі

Беларуская

RSS

Міністэрства адукацыі Рэспублікі Беларусь
Галоўнае ўпраўленне па адукацыі Брэсцкага аблвыканкама

Аддзел па адукацыі Жабінкаўскага раённага
выканаўчага камітэта

Галоўная старонка

Раздзелы сайта

Наш банар

Статыстыка наведванняў

Iндэкс цытавання

Галоўная старонка » Сэрвісы » Архіў навін

Архіў навін

23.07.21

Рамантыку леса ля вогнішча ў “цік-току” не адчуеш…

Як здорава прачнуцца не пад трэлі будзільніка, а пад спевы птушак, шапаценне дрэў і пяшчотны шэпат рачных хваляў! У старшакласнікаў Сярэдняй школы №2 г.Жабінкі была цудоўная магчымасць менавіта так сустракаць дзевяць світанкаў свайго юнацкага жыцця ў палатачным турыстычым аздараўленчым лагеры на беразе Мухаўца.

– Жыццё ў лесе – сапраўдная казка! – дзеліцца ўражаннямі 12-гадовая Маша Кобак з “Юнага турыста”. – Нават не думала, наколькі цікава і пазнаваўча можа быць у звычайным сасновым бары… Мы рабілі тут тое, што аніяк не зробіш дома – збіралі хварасціны для вогнішча, падтрымлівалі агонь, самі рыхтавалі ежу ў кацялку, умываліся вадой прама з Мухаўца! Некаторыя хлопцы менавіта ў лагеры навучыліся ставіць палатку, вязаць трывалыя вузлы і акуратна складваць дровы, а дзяўчаты – абіраць бульбу для супа, рабіць смачныя саты з гародніны. І, самае дзіўнае, мы маглі абыходзіцца без мабільных тэлефонаў, таму што без іх хапала цікавых спраў!

Сапраўды, у выхаванцаў аздараўленчага лагера “Юны турыст” кожны дзень быў насычаны новымі мерапрыемствамі. Напрыклад, пабывалі хлопчыкі і дзяўчынкі на гідравузле Залуззе, адпачылі на тэрыторыі санаторыяў “Буг” і “Надзея”; наведалі перасоўную экспазіцыю “Жыць, каб памятаваць” Беларускага дзяржаўнага музея гісторыі Вялікай Айчыннай вайны; далучыліся да інтэрнет-чэленджу “Народная зарадка”, пабывалі на сядзібе Шадрыных у в.Залуззе, дзе пабачылі самую незвычайную выставу даўляных фігур. Таксама дзеці паўдзельнічалі ў экалагічнай акцыі “Чысты лес” (сабралі бытавое смецце ва ўрочышы Залуззе), а на світанку 22 чэрвеня запалілі “Свячу памяці”, прысвечаную 80-годдю пачатку Вялікай Айчыннай вайны і ўшанавалі хвілінай маўчання усіх, хто загінуў, абараняючы радзіму ад “карычневай чумы”. Выхаванцы многа часу праводзілі на чыстым паветры – займаліся воркаўтам, праходзілі ландшафтатэрапію, гулялі ў валейбол, удасканальваліся ў турыстычных эстафетах, хадзілі ў экскурсіі, а на шляху ласаваліся спелай землянікай і многае іншае.

– Палатачны лагер – цудоўная магчымасць адчуць сябе дарослым і самастойным, – лічыць настаўнік фізкультуры другой гарадской школы, дырэктар лагера Валерый Кабаш. – Тут пад іншым позіркам падлеткі бачаць і стараюцца вырашаць тыя ж бытавыя праблемы – ад прыгатавання, скажам, чаю і супа да мыцця шкарпэтак. Галоўная карысць такога “ляснога” адпачынку – навыкі самаабслугоўвання, чаго сучасным падлеткам вельмі не хапае, бо кожную свабодную хвіліну яны праводзяць у сеціве і пра існаванне простых ісцін, звыклых пакаленню іх бацькоў, проста не здагадваюцца. Многія дзеянні не толькі развлекают, але абучаюць і выхоўваюць – уменне раскласці вогнішча, загатовіць дровы, паставіць палатку і зварыць кашу ў кацялку ім, упэўнены, спатрэбіцца ў жыцці. Дый рамантыка гутарак, песен пад гітару ля кастра падлеткам вельмі-вельмі патрэбна. Такія жывыя эмоцыі падчас зносін ніякі “цік-ток” і “інстаграм” не перадасць. /Са старонкі “ Настаўніцкай газеты”